హన్మకొండ: సంక్రాంతి పండుగను పురస్కరించుకుని కళాశాల ప్రాంగణంలో విద్యార్థినులు, మహిళల కోసం ముగ్గుల పోటీలు నిర్వహించారు. చుక్కల ముగ్గులు, గీతల ముగ్గులతో పాటు ప్రస్తుత సామాజిక అంశాలను ప్రతిబింబించేలా వేసిన రంగవల్లులు ప్రత్యేక ఆకర్షణగా నిలిచాయి. గొబ్బెమ్మలు, ధాన్యపు రాశులు, హరిదాసుల చిత్రాలతో ముగ్గులను తీర్చిదిద్ది తమ సృజనాత్మకతను చాటుకున్నారు.
మరోవైపు యువత కోసం నిర్వహించిన పతంగుల పోటీలు (Kite Flying) ఉత్సాహంగా సాగాయి.”కాయ్ పో చెక్” అంటూ కేకలు వేస్తూ ఒకరి గాలిపటాన్ని మరొకరు కట్ చేస్తూ యువత కేరింతలు కొట్టారు.
వివిధ రకాల ఆకృతుల్లో ఉన్న గాలిపటాలు వరంగల్ ఆకాశాన్ని రంగులమయం చేశాయి. ఈ కార్యక్రమానికి హాజరైన అతిథులు మాట్లాడుతూ, మారుతున్న కాలంలో మన సంస్కృతి, సంప్రదాయాలను తర్వాతి తరానికి అందించడంలో ఇలాంటి పోటీలు కీలక పాత్ర పోషిస్తాయని కొనియాడారు. విజేతలకు బహుమతులు అందజేసి అభినందించారు.
