స్పోర్ట్స్ స్కూల్ ఏర్పాటు, క్రికెట్ స్టేడియం నిర్మాణం పై స్పోర్ట్స్ స్పెషల్ చీఫ్ సెక్రెటరీ జెయేష్ రంజన్ మరియు వీసి&ఎండి స్పోర్ట్స్ అథారిటీ సోని బాలదేవి గార్లతో సమావేశం అయిన ఎమ్మెల్యే కడియం శ్రీహరి

హన్మకొండ జిల్లాలో తాత్కాలిక ప్రాతిపదికన జవహర్ లాల్ నెహ్రు స్టేడియంలో స్పోర్ట్స్ స్కూల్ కం సెంటర్ ఆఫ్ ఎక్సలెన్సీ ఏర్పాటు మరియు జాతీయ రహదారి 163కి అనుకోని హన్మకొండ జిల్లా ఉనికిచర్ల గ్రామం వద్ద అంతర్జాతీయ స్థాయి క్రికెట్ స్టేడియం నిర్మాణం పై యూత్ అడ్వాన్స్ మెంట్, టూరిజం కల్చర్ అండ్ స్పోర్ట్స్ స్పెషల్ చీఫ్ సెక్రెటరీ జెయేష్ రంజన్ మరియు వీసి &ఎండి స్పోర్ట్స్ అథారిటీ సోని బాలదేవి గార్లతో హైదరాబాద్ లోని సచివాలయం లో మాజీ ఉప ముఖ్యమంత్రి, స్టేషన్ ఘనపూర్ ఎమ్మెల్యే కడియం శ్రీహరి గారు సమీక్షా సమావేశం నిర్వహించారు.

ఈ సమావేశంలో ఎమ్మెల్యే కడియం శ్రీహరి గారు మాట్లాడుతూ హన్మకొండ లోని జవహర్ లాల్ నెహ్రు స్టేడియంలో తాత్కాలిక ప్రాతిపదికన స్పోర్ట్స్ స్కూల్ కం సెంటర్ ఆఫ్ ఎక్సలెన్సీ ఏర్పాటు కు అవసరమైన అన్ని వసతులు ఉన్నాయని తెలిపారు. క్రీడాకారులకు ఇండోర్, అవుట్ డోర్ క్రీడా మైదానాలు, ట్రాక్స్, హాస్టల్ వసతికి అవసరమైన మారమ్మత్తులు కూడా పూర్తి చేసినట్లు వెల్లడించారు. కావున ఏ మాత్రం ఆలస్యం చేయకుండా స్పోర్ట్స్ స్కూల్ ప్రారంభించేందుకు ప్రభుత్వ పరమైన అనుమతులు ఇవ్వాలని కోరారు.

అలాగే జాతీయ రహదారి 163కి అనుకోని హన్మకొండ జిల్లా ఉనికిచర్ల గ్రామం వద్ద అంతర్జాతీయ ప్రమాణాలతో క్రికెట్ స్టేడియం నిర్మాణానికి అనువైన స్థలం అందుబాటులో ఉందని తెలిపారు. హన్మకొండ జిల్లాలో క్రికెట్ స్టేడియం నిర్మాణం ఉమ్మడి వరంగల్ జిల్లా అభివృద్ధికి ఎంతగానో దోహదపడుతుందని వివరించారు. క్రికెట్ స్టేడియం నిర్మాణానికి అవసరమైన చర్యలు తీసుకోవాలని కోరారు.

దీనిపై సానుకూలంగా స్పందించిన జెయేష్ రంజన్ గారు జవహర్ లాల్ నెహ్రు స్టేడియంలో తాత్కాలిక ప్రాతిపదికన స్పోర్ట్స్ స్కూల్ కం సెంటర్ ఆఫ్ ఎక్సలెన్సీ ఏర్పాటు 14 నవంబర్ 2025 లోపు ఏర్పాటు చేసేందుకు అనుమతులు వచ్చే విధంగా చర్యలు తీసుకుంటానని హామీ ఇచ్చారు. క్రికెట్ స్టేడియం నిర్మాణానికి హన్మకొండ జిల్లా కలెక్టర్ ను ఫీజుబులిటీ రిపోర్ట్ మరియు స్థల సేకరణ పై నివేదికను అందించాలని ఆదేశించినట్లు ఆ నివేదికలు రాగానే క్రికెట్ స్టేడియం నిర్మాణానికి త్వరితగతిన చర్యలు తీసుకుంటానని హామీ ఇచ్చారు.