అభివృద్ధి పనులకు శంకుస్థాపన చేసిన ఎంపీ డా. కడియం కావ్య
బిటీ రోడ్డు మరియు కుడా వెంచర్ అభివృద్ధి పనులకు శంకుస్థాపన చేసిన ఎంపీ డా. కడియం కావ్య, ఎమ్మెల్యే కడియం శ్రీహరి గారు

స్టేషన్ ఘనపూర్ నియోజకవర్గం: బిటీ రోడ్డు మరియు కుడా వెంచర్ అభివృద్ధి పనులకు శంకుస్థాపన చేసిన ఎంపీ డా. కడియం కావ్య, ఎమ్మెల్యే కడియం శ్రీహరి గారు

ధర్మసాగర్ మండలం ఉనికిచర్ల గ్రామ శివారులో కాకతీయ పట్టణాభివృద్ధి సంస్థ (KUDA) ఆధ్వర్యంలో ఏర్పాటు చేస్తున్న యూనిసిటీ వెంచర్ అభివృద్ధి మరియు బిటీ రోడ్డు నిర్మాణానికి 10కోట్ల రూపాయలతో చేపట్టనున్న పనులకు వరంగల్ పార్లమెంట్ సభ్యులు డాక్టర్ కడియం కావ్య గారు, మాజీ ఉప ముఖ్యమంత్రి, స్టేషన్ ఘనపూర్ ఎమ్మెల్యే కడియం శ్రీహరి గారు శంకుస్థాపన చేశారు.

ఈ సందర్భంగా వరంగల్ ఎంపీ డాక్టర్ కడియం కావ్య గారు మాట్లాడుతూ…

వరంగల్ నగర అభివృద్ధికి ప్రజలకు ఇచ్చిన హామీ మేరకు అందరి సహకారంతో నగరాన్ని అన్ని రకాలుగా అభివృద్ధి చేసేందుకు కృషి చేస్తున్నట్లు తెలిపారు. ముఖ్యమంత్రి రేవంత్ రెడ్డి గారు నగర అభివృద్ధిపై ప్రత్యేక దృష్టితో నిధులు మంజూరు చేస్తున్నారని తెలిపారు. ఇప్పటికే నగరానికి ఏయిర్ పోర్ట్, కోచ్ ఫ్యాక్టరీ, టెక్స్ టైల్ పార్క్, స్పోర్ట్స్ స్కూల్ లతో పాటు నగర అభివృద్ధి మరియు నగర ప్రజల ఎన్నో ఏళ్ల కల అయినటువంటి అండర్ గ్రౌండ్ డ్రైనేజి నిర్మాణం వంటి అభివృద్ధి పనులకు 4వేల కోట్లు మంజూరు ఇచ్చారని అన్నారు. రాష్ట్రంలో కాంగ్రెస్ ప్రభుత్వం అభివృద్ధి, సంక్షేమాలకు సమప్రాధాన్యత ఇస్తూ ముందుకు వెళ్తున్నట్లు వెల్లడించారు.

అనంతరం ఎమ్మెల్యే కడియం శ్రీహరి మాట్లాడుతూ..

స్టేషన్ ఘనపూర్ నియోజకవర్గ పరిధిలో కాకతీయ పట్టణాభివృద్ధి సంస్థ అభివృద్ధి పనులు చేపట్టడం పట్ల నియోజకవర్గ ప్రజల పక్షాన కుడా చైర్మన్ ఇనుగాల వెంకట్రాంరెడ్డి గారికి, గ్రేటర్ వరంగల్ మున్సిపల్ కమిషనర్ చాహత్ బాజ్ పై గారికి అభినందనలు తెలిపారు. వెంచర్ వరకు నిర్మించే నాలుగు లైన్ల బిటీ రోడ్డును ఉనికిచర్ల గ్రామం వరకు పొడిగించాలని కోరారు. ఇదే ప్రాంతంలో ఇంటర్నేషనల్ క్రికెట్ రాబోతుందని అన్నారు.

బిసిసిఐ (BCCI) ఆధ్వర్యంలో ఏర్పాటు కాబోతున్న క్రికెట్ స్టేడియం తో గణనీయమైన అభివృద్ధి జరగనుందని తెలిపారు. అలాగే భవిష్యత్ లో ఈ రహదారిని ఉనికిచర్ల నుండి రాపాకపల్లి, దేవునూరు గుట్టల వరకు నిర్మించనున్నట్లు తెలిపారు. దేవునూరు గుట్టలను ఎకో టూరిజం స్పాట్ గా అభివృద్ధి చేసేందుకు ప్రణాళికలు చేస్తున్నట్లు తెలిపారు. పట్టణ ప్రాంత ప్రజలకు హాలీడే లలో సేద తీరేందుకు ఆక్సీజన్ పార్కులు, ట్రేక్కింగ్, రాత్రి బస చేసేందుకు రిసార్ట్ వంటి సదుపాయాలు కల్పించేందుకు ఏర్పాట్లు చేస్తున్నట్లు వెల్లడించారు. స్టేషన్ ఘనపూర్ నియోజకవర్గాన్ని అన్ని రంగాలలో అభివృద్ధి చేసేందుకు కృషి చేస్తున్నట్లు తెలిపారు.

స్పీకర్ నిర్ణయం బట్టే తన నిర్ణయం

స్పీకర్ నిర్ణయం బట్టే తన నిర్ణయం ఉంటుందని ఎమ్మెల్యే కడియం శ్రీహరి గారు స్పష్టం చేశారు. నవంబర్ 23లోపు పార్టీ ఫిరాయింపుల ఆరోపణలపై వివరణ ఇవ్వాలని స్పీకర్ నోటీసులు ఇచ్చారని దానిపై మరింత సమయం కావాలని స్పీకర్ గారిని కలిసి కోరడం జరిగిందని తెలిపారు. దీనిపై స్పీకర్ గారు సానుకూలంగా స్పందించారని అన్నారు. గత 10ఏళ్లలో స్టేషన్ ఘనపూర్ నియోజకవర్గం అధికార పార్టీలో ఉండి కూడా ఆశించిన స్థాయిలో అభివృద్ధి జరగలేదని అన్నారు. ప్రజలకు ఇచ్చిన హామీలుకు, నియోజకవర్గ అభివృద్ధి కోసమే కాంగ్రెస్ ప్రభుత్వంతో కలిసి పని చేస్తున్నట్లు వెల్లడించారు. అందులో భాగంగానే నియోజకవర్గ అభివృద్ధికి 14కోట్ల నిధులు తీసుకురాగాలిగానను అని పేర్కొన్నారు. బిఆర్ఎస్ అధికారంలో ఉన్న రెండు పర్యాయలలో చాలా మంది ఎమ్మెల్యేలు పార్టీ మారారని, అందులో కొంత మందికి మంత్రి పదవులు సైతం కట్టబెట్టారని ద్వాజమెత్తరు. పార్టీ ఫిరాయింపులను ప్రోత్సాహించిందే కేసీఆర్ అని ఆరోపించారు. వాళ్ళు చేస్తే సంసారం…. వేరే వాళ్ళు చేస్తే వ్యభిచారమా అని ప్రశ్నించారు. ఒకవేళ ఉప ఎన్నికలు వచ్చినా పోటీ చేసేది కడియం శ్రీహరే…. ప్రజలు గెలిపించేది కడియం శ్రీహరినే అని ధీమా వ్యక్తం చేశారు.

ఈ కార్యక్రమంలో కుడా చైర్మన్ ఇనుగాల వెంకట్రాంరెడ్డి, మున్సిపల్ చైర్మన్ చాహత్ బాజ్ పై, కుడా అధికారులు, నాయకులు, కార్యకర్తలు తదితరులు పాల్గొన్నారు.

చలి కాలం ఆరోగ్య చిట్కాలు
By GW News | |
సరైన చిట్కాలు పాటిస్తే ఈ సీజన్‌ను ఆరోగ్యంగా, ఆనందంగా గడపవచూ…
తిరుమల వైకుంఠ ద్వార దర్శనానికి అనూహ్య స్పందన
By GW News | |
తొలిరోజే ఈ డిప్‌లో 4.60 లక్షల మంది నమోదు, డిసెంబర్‌ 2న టోకెన్లు…
కురవిలో డీసీసీబీ బ్యాంకు బ్రాంచ్ మంజూరు — ప్రజల ఆనందం
By GW News | |
మహబూబాబాద్ జిల్లా కురవి మండల ప్రజల దీర్ఘకాల కోరిక నెరవేరింది. కురవి మండల...
వరంగల్ ట్రైసిటీ హాఫ్ మారథాన్-2025 ప్రారంభం
By GW News | |
రాష్ట్ర యువజన, క్రీడల శాఖ మంత్రి వాకిటి శ్రీహరి ఈ రోజు వరంగల్‌లో...
గోదావరి పుష్కరాలకు ముహుర్తం ఖరారు
By GW News | |
2027 జూలై 23 నుంచి ఆగస్టు 3 వరకు గోదావరి పుష్కరాల నిర్వహణ…
వరంగల్ చరిత్ర, కాకతీయుల సంస్కృతి తెలంగాణ రాష్ట్రానికి గర్వకారణం
By GW News | |
జిల్లా పురావస్తు పరిశోధనశాలను సందర్శించిన వరంగల్ ఎంపీ డాక్టర్ కడియం కావ్య
Dr. B.R. అంబేద్కర్ ఓపెన్ యూనివర్సిటీ & కామన్వెల్త్ ఆఫ్ లెర్నింగ్ మధ్య ఒప్పందం
By GW News | |
Dr. B.R. అంబేద్కర్ ఓపెన్ యూనివర్సిటీ మరియు కామన్వెల్త్ ఆఫ్ లెర్నింగ్ మధ్య…