స్టేషన్ ఘనపూర్: విద్యకు అత్యధిక ప్రాధాన్యత ఇస్తున్న రాష్ట్ర ప్రభుత్వం

విద్యా రంగంలో దేశానికే రోల్ మాడల్ గా తెలంగాణ

రాష్ట్ర వ్యాప్తంగా యాంగ్ ఇండియా ఇంటిగ్రెటెడ్ రెసిడెన్షియల్ పాఠశాలల నిర్మాణం

200కోట్లతో ఒకే కాంప్లెక్స్ లో 4గురుకులాల ఏర్పాటు

అత్యున్నత ప్రమాణాలతో కార్పొరేట్ పాఠశాలలకు దీటుగా యాంగ్ ఇండియా పాఠశాలలు

జఫర్ గడ్ మండలం కొన్నాయిచలం వద్ద యాంగ్ ఇండియా రెసిడెన్షియల్ పాఠశాల నిర్మాణం కాబోతుంది

రాష్ట్ర ప్రభుత్వం ఒక్కో విద్యార్థిపై లక్షా 20వేల రూపాయలు ఖర్చు చేస్తుంది

విద్యార్థులు ప్రభుత్వం కల్పిస్తున్న సదుపాయాలను సద్వినియోగం చేసుకోవాలి

విద్యార్థులు మనసు పెట్టి చదివి పోటీ ప్రపంచంలో నిలబడాలి

మంచి మార్కులు సాధించి ఉన్నతస్థాయికి ఎదగాలి

ఉపాధ్యాయులు విద్యార్థులను స్వంత బిడ్డలుగా చూసుకోవాలి

జఫర్ గడ్ మండలం లోని కస్తూరిభా గాంధీ మరియు ఆదర్శ పాఠశాలకు అలాగే స్టేషన్ ఘనపూర్ మండలం నమిలిగొండ లోని కస్తూరిభా గాంధీ మరియు ఆదర్శ పాఠశాలలకు సిసి రోడ్డు నిర్మాణ పనులకు ఎమ్మెల్యే కడియం శ్రీహరి గారితో కలిసి వరంగల్ పార్లమెంట్ సభ్యురాలు డాక్టర్ కడియం కావ్య గారు శంకుస్థాపన చేశారు.

వరంగల్ ఎంపీ డాక్టర్ కడియం కావ్య గారు మాట్లాడుతూ...

సమాజంలో మహిళలు అభివృద్ధి చెందినప్పుడే దేశం అభివృద్ధి చెందుతుందని, మహిళల పురోగతినే దేశ పురోగతిగా భావించాలి అని వరంగల్ పార్లమెంట్ సభ్యురాలు డాక్టర్ కడియం కావ్య అన్నారు.

2011లో కేజీబీవీ స్థాపించినప్పటి నుంచి ఈ పాఠశాలకు రోడ్ సౌకర్యం లేకపోవడం బాధాకరమని, ఇది గత పాలకుల నిర్లక్ష్యానికి నిదర్శనం అన్నారు. రాష్ట్ర ప్రభుత్వం వ్యక్తుల కోసం కాకుండా వ్యవస్థ బలోపేతం కోసం పని చేస్తోందని పేర్కొన్నారు.

విద్యాశాఖ మంత్రిగా ఉన్న కడియం శ్రీహరి గారు గురుకుల పాఠశాలలను ఇంటర్ స్థాయికి అప్‌గ్రేడ్ చేసిన నిర్ణయం వల్ల అనేక మంది విద్యార్థినీలు నాణ్యమైన విద్యను పొందుతున్నారని తెలిపారు. విద్యార్థినిలు సావిత్రిబాయి ఫూలేను ఆదర్శంగా తీసుకుని విద్యలో ముందుకు సాగాలని సూచించారు. చదువులో ఇతరులతో పోల్చుకోకుండా స్వీయ పోటీ భావనతో ముందుకు సాగాలని విద్యార్థినులను కోరారు.

పేదరికం నుండి బయటపడేందుకు చదువే ప్రధాన మార్గమని, దాన్ని సద్వినియోగం చేసుకోవాలన్నారు. బాలికలు సోషల్ మీడియా వినియోగంలో అప్రమత్తంగా ఉండాలని సూచించారు. ప్లే బ్యాక్ సొసైటీని ఆదర్శంగా తీసుకుని ప్రతిభను అభివృద్ధి చేసుకోవాలని చెప్పారు.

విద్యార్థులకు ఎలాంటి అసౌకర్యం కలగకుండా ఉండేందుకు తన ఎంపీ నిధులతో అవసరమైన సౌకర్యాలను కల్పించినట్లు తెలిపారు.

అని విద్యార్థులను ఎంపీ ప్రేరేపించారు. విద్యార్థులు బాగా చదివి తల్లిదండ్రులకు మంచి పేరు తీసుకురావాలని సూచించారు. ప్రభుత్వ పాఠశాలల్లో రాష్ట్ర ప్రభుత్వం అందిస్తున్న సౌకర్యాలను సద్వినియోగం చేసుకుని ఇతర విద్యార్థులకు ఆదర్శంగా నిలవాలని పిలుపునిచ్చారు. అమ్మాయిలు చదువుకుంటేనే దేశ అభివృద్ధి వేగవంతమవుతుంది. విద్యతో పాటు కళలను అభివృద్ధి చేసుకోవాలి.

ఎమ్మెల్యే కడియం శ్రీహరి గారు మాట్లాడుతూ...

చదువుకు మాత్రమే జీవితాలను మార్చే శక్తి ఉందని, చదువుతోనే ఆర్థిక స్వేచ్ఛ, సమాజంలో గౌరవం లభిస్తాయని తెలిపారు. ముఖ్యంగా విద్యా, ఉద్యోగం, ఆర్థిక స్వేచ్ఛ, ఆరోగ్యం తోనే మహిళా సాధికారత సాధ్యం అవుతుందని అన్నారు. బాలికలు సెల్ ఫోన్, సోషల్ మీడియా జోలికి వెళ్లకుండా కష్టపడి చదివి తల్లిదండ్రులకు మంచి పేరు తీసుకురావాలని సూచించారు. కేవలం మహిళలు విద్యావంతులు అయితేనే కుటుంబం బాగుపడుతుందని, కుటుంబాన్ని, పిల్లలను సరైన మార్గంలో నడపగలదని పేర్కొన్నారు.

అత్యధిక గురుకుల పాఠశాలలతో విద్యా రంగంలో తెలంగాణ దేశానికే రోల్ మాడల్ గా నిలుస్తుందని తెలిపారు. రాష్ట్ర వ్యాప్తంగా 1600గురుకుల పాఠశాలలో సుమారు 8లక్షల మంది విద్యార్థులు ఉన్నారని అందులో దాదాపు 5లక్షల మంది బాలికలే ఉన్నారని తెలిపారు. రెండు పర్యాయాలు విద్యా శాఖ మంత్రి గా పని చేశానని అప్పుడు గురుకులాల ఏర్పాటులో బాలికలకే ఎక్కువ ప్రాధాన్యత ఇచ్చానని తెలిపారు. రాష్ట్రంలోని ప్రతీ మాడల్ స్కూల్ లో హాస్టల్ సదుపాయం ఏర్పాటు చేశానని అన్నారు. రాష్ట్రంలో యాంగ్ ఇండియా ఇంటిగ్రెటెడ్ రెసిడెన్షియల్ పాఠశాలలను ఏర్పాటు చేస్తున్నట్లు తెలిపారు. 200కోట్ల నిర్మించనున్న ఒక్కో పాఠశాలలో ఒకే కాంప్లెక్స్ లో 4 గురుకులాలు ఉండనున్నాయని తెలిపారు. మన నియోజకవర్గంలో జఫర్ గడ్ మండలం కొన్నాయిచలం వద్ద యాంగ్ ఇండియా స్కూల్ నిర్మించనున్నట్లు తెలిపారు.

రాష్ట్రంలోని గురుకుల విద్యార్థులు కార్పొరేట్ విద్యార్థులతో పోటీ పడుతూ జేఈఈ, నీట్ వంటి పరీక్షలలో ఉత్తమ ర్యాంక్ లు సాధించి దేశంలోనే ప్రతిష్టాత్మక విద్యా సంస్థలలో సీట్లు సాధిస్తున్నారని అన్నారు. విద్యార్థుల ఉత్తమ ఫలితాలకు కారకులైన ఉపాధ్యాయులను అభినందించారు. అలాగే ప్రతీ విద్యార్థిని ఉపాధ్యాయులు తమ స్వంత బిడ్డలుగా చూసుకోవాలని, విద్యార్థులను ప్రోత్సహిస్తూ వారిపై ప్రత్యేక శ్రద్ద చూపాలని సూచించారు. పేదింటి బిడ్డలే అయినా తెలివిలో ఎవరికీ తీసిపోరని వారి నాపుణ్యాన్ని గుర్తించి సరైన శిక్షణ ఇస్తే అద్భుతాలు సృష్టిస్తారని కొనియాడారు.

స్టేషన్ ఘనపూర్ నియోజకవర్గం లోని 7కస్తూరిభా గాంధీ పాఠశాలలో వసతుల కల్పనకు 6కోట్లు మంజూరు అయ్యాయని అన్నారు. జఫర్ గడ్ కస్తూరిభా గాంధీ, ఆదర్శ పాఠశాలలో ఎంపీ నిధులతో వాటర్ ప్లాంట్ ఏర్పాటు, ఇప్పుడు ఈజీఎస్ నిధులు 21లక్షలతో సిసి రోడ్డు నిర్మాణానికి శంకుస్థాపన చేసుకున్నట్లు తెలిపారు. ఇప్పటికే టాయిలెట్స్, బాత్రూం, ఇతర మౌలిక వసతుల కల్పనకు 41లక్షలు మంజూరు అయ్యాయని తెలిపారు. అలాగే పాఠశాలలో క్రీడా మైదానం ఏర్పాటుకు, సంప్ నిర్మాణానికి, తరగతి గదుల నిర్మాణానికి వెంటనే ప్రతిపాదనలు సిద్ధం చేయాలని అధికారులకు సూచించారు.

స్టేషన్ ఘనపూర్ కస్తూరిభా గాంధీ, ఆదర్శ పాఠశాలలకు 28లక్షలతో సిసి రోడ్డు నిర్మాణం చేపడుతున్నట్లు తెలిపారు. మున్సిపాలిటీ అభివృద్ధి లో భాగంగా కోటి రూపాయలతో జఫర్ గడ్ ప్రధాన రహదారి నుండి కస్తూరిభా గాంధీ పాఠశాల వరకు సిసి రోడ్డు నిర్మాణంతో పాటు లైటింగ్ ఏర్పాటు చేయనున్నట్లు తెలిపారు. ఇప్పటికే మంజూరు అయిన 45లక్షలతో పనులు జరుగుతున్నాయని అన్నారు. వాటితో పాటు టాయిలెట్స్, బాత్రూం, సంప్, అంతర్గత సిసి రోడ్ల నిర్మాణానికి మరో కోటి రూపాయలు మంజూరు చేస్తానని హామీ ఇచ్చారు. మొత్తం సుమారు 3కోట్లతో కస్తూరిభా గాంధీ, మాడల్ స్కూల్లను అన్ని విధాలుగా అభివృద్ధి చేస్తన్నాని తెలిపారు. పోలీస్ అధికారులు ఈ ప్రాంతాన్ని సెక్యూరిటీ జోన్ గా పరిగణించి రాత్రి సమయంలో పెట్రోలింగ్ నిర్వహించాలని సూచించారు.

ఈ కార్యక్రమంలో మార్కెట్ కమిటీ చైర్మన్ లావణ్య శిరీష్ రెడ్డి, విద్యా శాఖ అధికారులు, ప్రిన్సిపాల్స్, ఉపాధ్యాయులు, విద్యార్థులు, ఇతర అధికారులు, నాయకులు, కార్యకర్తలు తదితరులు పాల్గొన్నారు.